ایف جی پبلک اسکول، کینٹ ایریا، پشاور روڈ راولپنڈی میں تقریری مقابلے کا انعقاد

راولپنڈی (خصوصی رپورٹ) — ایپکس کالج کے اردو لیکچرار و ادبی و ثقافتی تنظیم ادبستان کے ڈائریکٹر آکاش علی مغل نے ایف جی پبلک اسکول، کینٹ ایریا، پشاور روڈ راولپنڈی میں طلبہ کے مابین منعقدہ تقریری مقابلے میں بطور منصف اپنی خدمات سرانجام دیں۔ تقریری مقابلے کا مقصد طلبہ کی تقریری صلاحیتوں کو اجاگر کرنا، ان میں خود اعتمادی پیدا کرنا اور علمی و ادبی سرگرمیوں کے فروغ کو یقینی بنانا تھا۔ اس موقع پر طلبہ نے اپنی خطابت، اظہارِ خیال اور موضوع پر گرفت کا مظاہرہ کیا۔ آکاش علی مغل کی بطور منصف شرکت ان کی علمی، ادبی اور تدریسی سرگرمیوں کا عکاس ہے۔ وہ تدریس کے ساتھ ساتھ ادب، ثقافت اور نوجوان نسل کی فکری و تخلیقی تربیت کے فروغ کے لیے بھی سرگرمِ عمل ہیں۔ تعلیمی اداروں میں اس نوعیت کے مقابلے طلبہ کی شخصیت سازی، مثبت سوچ اور اظہارِ خیال کی صلاحیتوں کو پروان چڑھانے میں اہم کردار ادا کرتے ہیں۔ ایسی سرگرمیوں کا انعقاد نوجوانوں کو اپنی صلاحیتیں منوانے اور تعلیمی و ادبی میدان میں آگے بڑھنے کے مواقع فراہم کرتا ہے۔